Si dritare e parë që hapet për menaxhimin e Librit të shpenzimeve është Dritarja kryesore, në të cilën mund të bëhet kërkim për të dhëna të ndonjë shpenzimi të regjistruar më parë, si dhe po ashtu shfaqen shpenzimet e fundit të regjistruara në sistem (si vlerë të konfiguruar sistemi e ka numrin 7 që do të thotë se i merr 7 blerjet e fundit të regjistruara, megjithatë sistemi lejon edhe konfigurimin e këtij numri dhe varësisht nga dëshira e administratorit mund të rritet ose ulet vlera). Po ashtu nga kjo dritare mund të shkohet në dritaren për regjistrimin e një shpenzimi të ri, ose mund të shkohet tek dritarja e kërkimit të avancuar nga e cila mund të kërkohen të dhëna specifike për të gjitha shpenzimet, të printohen apo edhe të eksportohen në formate tjera për qëllime të ndryshme. Kjo mund të arrihet duke klikuar në linjat Regjistro dhe Kërkimi i avancuar. Për të modifikuar të dhënat e një shpenzimi (nëse ai nuk është i paraqitur në listë – kërkohet nga vendi i kërkimit, duke shkruar një pjesë të apo edhe komplet emrin për kërkim dhe duke shtypur butonin Kërko) e cila paraqitet në listën e dritares kryesore, klikohet mbi numrin e faturës, ku më pas do të hapet dritarja për ndryshimin e të dhënave, nga e cila po ashtu edhe mund të fshihet i tërë shënimi (nëse nuk është përdorur më parë). Kjo dritare mund të duket kështu:
RegjistroPër të regjistruar një shpenzim të ri, nga dritarja kryesore e blerjeve klikojmë në linjën Regjistro, për ta hapur dritaren e regjistrimit të shpenzimeve. Nga të dhënat në dritaren e regjistrimit, Numri i faturës, Furnitori dhe Vlera janë të dhëna të kërkuara ndërsa të dhënat tjera janë opcionale, por është shumë e rekomandueshme që të mbushen të gjitha fushat që një blerje të ketë sa më shumë informacione në sistem. Nëse blerja është nga importi atëherë duhet ta zgjedhim opsionin Import. Ndërsa te lista me emrin Kategoria mund të zgjedhim për nëse blerja është më TVSH, blerje e përjashtuara apo blerje e inputeve bujqësore. Nëse nuk e mbushim ndonjërën prej fushave të kërkuara, p.sh fushën Numri i faturës, sistemi nuk lejon ruajtjen e kësaj të dhëne dhe na shfaq mesazhin përkatës si në pamjen në vazhdim:
Pas mbushjes së të gjitha të dhënave, nëse nuk kemi asnjë gabim sistemi e ruan të dhënën dhe na njofton me mesazhin përkatës, i cili është shumë i lehtë për syrin e përdoruesit si dhe hiqet pas një kohe shumë të shkurtër. Kjo dritare mund të duket kështu:
Ndrysho / FshijPër të ndryshuar të dhënat e një shpenzimi klikojmë mbi numrin e faturës së tij në dritaren kryesore për të hapur dritaren e ndryshimeve e cila është goxha e njëjtë me dritaren e regjistrimit. Pasi që të bëjmë ndryshimet që dëshirojmë shtypim butonin Ruaj dhe sistemi na njofton me mesazhin përkatës. Nëse dëshirohet të fshihet ndonjë shpenzim atëherë klikohet në butonin Fshij dhe pas përgjigjes në pyetjen e mesazhit se a dëshirojmë vërtetë ta fshijmë të dhënën e shpenzimeve (nëse nuk ka të dhëna të ndërlidhura me blerjen), sistemi e fshinë atë dhe na njofton me mesazhin përkatës. Pasi që të ruajmë ndryshimet e bëra blerja nuk paraqitet në asnjë listë kur kërkohet e dhëna e saj përderisa ai nuk aktivizohet përsëri. Kjo dritare mund të duket kështu:
Kërkimi i avancuarTek dritarja e kërkimit të avancuar e cila mund të hapet nga dritarja kryesore mund të kërkojmë të dhëna për shpenzimet e regjistruara në sistem, mund ti printojmë ato apo mund ti eksportojmë ato në formate të dëshiruara. Pas caktimit të kritereve klikohet butoni Kërko pas të cilit shfaqet raporti. Nëse do të dëshironim listën komplete të shpenzimeve atëherë nuk zgjedhim asnjë kriter (por vetëm klikojmë në butonin Kërko). Kjo dritare mund të duket kështu (pa kritere – listë e plotë e shpenzimeve të regjistruara në sistem si dhe raport me kriter të caktuar):
Mirëpo ne mund të zgjedhim të kërkojmë vetëm shpenzimeve që i kemi bërë prej një furnitori të caktuar. Këtë e bëjmë duke zgjedhur opsionin Furnitori dhe pastaj na aktivizohet lista në të cilën mund të zgjedhim furnitorin që dëshirojmë. Gjithashtu mund të gjenerohet raport për shpenzimet në ndonjë interval kohor të dëshiruar dhe kjo arrihet duke e caktuar datat e fillimit dhe mbarimit. Ndërsa te lista Importi i kemi tri opsione: Jo, Po dhe Të gjithë. Nëse zgjedhim Jo atëherë nuk na shfaqen shpenzimet prej importi, e nëse zgjedhim Po atëherë na shfaqen vetëm shpenzimi nga importi e nëse zgjedhim Të gjithë atëherë na shfaqen të gjitha shpenzimet. E njëjta gjë vlen edhe për listën Pa TVSH.
Mirëpo ne mund të zgjedhim të kërkojmë vetëm shpenzimeve që i kemi bërë prej një furnitori të caktuar. Këtë e bëjmë duke zgjedhur opsionin Furnitori dhe pastaj na aktivizohet lista në të cilën mund të zgjedhim furnitorin që dëshirojmë. Gjithashtu mund të gjenerohet raport për shpenzimet në ndonjë interval kohor të dëshiruar dhe kjo arrihet duke e caktuar datat e fillimit dhe mbarimit. Ndërsa te lista Importi i kemi tri opsione: Jo, Po dhe Të gjithë. Nëse zgjedhim Jo atëherë nuk na shfaqen shpenzimet prej importi, e nëse zgjedhim Po atëherë na shfaqen vetëm shpenzimi nga importi e nëse zgjedhim Të gjithë atëherë na shfaqen të gjitha shpenzimet. E njëjta gjë vlen edhe për listën Pa TVSH.
Posts
